Tgi che s'infurmescha sin la pagina d'internet da l'Arena Alva vesa che la direcziun ch'exista d'otg commembers ha uss mo trais. Quatter commembers da la direcziun veglia na lavuran betg pli per l'Arena Alva, trais occupeschan auters post en l'interpresa. Il sulet commember ch'è restà en la direcziun è Reto Poltera. Da nov sesan Senta Gautschi e Thomas Camenzind en la direcziun.
Il president dal cussegl administrativ da l'Arena Alva, Reto Gurtner, ha surpiglià ad interim il post da CEO. A curta vista n'ha Reto Gurtner betg prendì posiziun davart la situaziun actuala. L'interpresa scriva dentant ad RTR ch'i sa tractia d'adattaziuns che sajan normalas en il svilup da la fatschenta. Discussiuns davart las structuras e valurs, sco era discussiuns davart l'anteriur e futur timun da l'Arena Alva, mainia l'interpresa intern.
Survista davart direcziun da l'Arena Alva
| anteriura direcziun: | actuala direcziun: |
| Marcus Wolf, CEO | Reto Poltera, Education & Equipement |
| Romano De Giorgi, CFO | Senta Gautschi, Transportation |
| Reto Poltera, Education & Equipement | Thomas Camenzind, Food & Beverage |
| Christoph Schmidt, Logement, Food & Beverage | |
| Eliane Bernasocchi-Volken, Communication, Marketing & Sales | |
| Andreas Bleuler, digitalisaziun & analisa da datas | |
| Curdin Caprez, pendicularas, ICT ed infrastructura | |
| Haempa Maissen, People & Culture |
Curdin Caprez, Andreas Bleuler e Haempa Maissen lavuran anc per l'Arena Alva. Marcus Wolf, Romano De Giorgi, Christoph Schmid ed Eliane Bernasocchi-Volken han bandunà l'interpresa.
