Arena Tectonica Sardona cun nova purschida

In pavigliun dasper la chamona da Segnes duai porscher al visitader infurmaziuns ed ina entrada en il patrimoni mundial da l'UNESCO.

Il pavigliun che sa chatta dasper la chamona da Segnes è atgnamain l’emprim center per visitaders da l’Arena Tectonica Sardona sin l’intschess da la vischnanca Flem. Ensemen cun la chamona da Segnes duai el servir ils proxims onns sco entrada en il patrimoni mundial da l’UNSECO.

Il pavigliun è mo in provisori e duai surtut eruir tge infurmaziuns ch’ils viandants tschertgan. En la regiun da l’arena tectonica pon ins mirar enavos sin 280 milliuns onns istorgia geologica. Dentant era la bova da Flem avant 9000 onns vegn tematisada en il pavigliun. E surtut èn las chaussas era da vesair en natira e betg mo sin maletgs.

RR actualitad 08:00