Surselva - Armada vul vender alloschi da truppas sin l'Alpsu
La Confederaziun vul vender l'alloschi da truppas cun ina stalla da chavals sin il Pass da l'Alpsu. Sco quai ch'il «Sonntagsblick» rapporta tschertgia l'uffizi federal per l'armaziun Armasuisse in cumprader per l'object che valia 170'000 francs.
Che talas immobiglias vegnian vendidas na saja nagina raritad, uschia Armasuisse. Immobiglias militaras vegnian vendidas sche quellas na sajan betg pli necessarias e na possian betg pli vegnir duvradas per in auter intent.
Ils ultims 10 onns ha l'armada vendì mintg'onn tranter 10 fin 20 objects da l'armada.
Detagls da l'object
Avrir la boxSerrar la box
Il sulom è sin duas parcellas ed en dus chantuns. La gronda part da l'object sa chatta en il chantun Grischun.
