Siglir tar il cuntegn

Header

video
Arsen en l'aua da baiver
Or da Telesguard dals 31.01.2022.
abspielen. Laufzeit 3 minutas 9 Sekunden.
cuntegn

Arsen en l’aua En Val Tujetsch è vegnì installà in sistem da filtrar l’aua

Arsen sa chatta natiralmain en la crappa. Cun la plievgia va quest arsen alura en l’aua e quai po chaschunar cancer. Perquai han la Confederaziun e l’Uniun europeica adattà las valurs maximalas d’arsen l’onn 2014. Per evitar da memia arsen en l’aua datti pliras pussaivladads. Per exempel betg pli duvrar la funtauna cun bler arsen u maschadar l’aua cun funtaunas betg d’arsen, uschia che la concentraziun vegn sminuida. En plirs lieus n’è quai dentant betg pussaivel.

audio
Sistem da filtrar aua en Val Tujetsch
aus Actualitad vom 01.02.2022.
abspielen. Laufzeit 3 minutas 32 Sekunden.

Filtrar l’aua cun sablun

In auter sistem è quel da lavurar cun filters che cuntegnan sablun. L’aua va alura tras quests butschins e culla nettegiada en las chasadas. Il sablun che resta sto silsuenter vegnir deponì a moda speziala en Germania. En Tujetsch fa quai l’interpresa ch'ha installà il sistem, quai che saja in avantatg. Suenter ch’els hajan gì in dus incaps al cumenzament, sajan els uss vid emprender e rimnar experientschas, uschia Reto Monn il survegliader da las funtaunas.

Investì radund 250’000 francs

En ils sistems da filter ha la cooperaziun d’aua investì radund 250’000 francs. Las emprimas mesiraziuns mussian che la concentraziun d’arsen haja pudì vegnir sminuida – quai mussian las mesiraziuns fatgas en in labor spezial en Germania. Il chantun Grischun vegnia proximamain ad examinar la qualitad da l’aua da Selva e Tschamut e alura decider sche la concentraziun d’arsen è propi sut la limita maximala.

Telesguard 17:40

Artitgels legids il pli savens

Scrollar a sanestra Scrollar a dretga