Siglir tar il cuntegn
cuntegn

Surselva Arsira da plantas a Versomi

Ils trais pairers pertutgads hajan stuì vegnir runcads ed ars sin il lieu dal servetsch forestal, fa a savair il post spezialisà per puma dal Plantahof.

In pairer cun feglia donnegiada.
Legenda: In pairer a Versomi ch'è pertutgà da l'arsira da plantas. mad, Plantahof

Cun runcar ils pairers cumplettamain ed arder els anc en la vischnanca duai vegnir evità che l'arsira da plantas sa derasia, scriva il Gregor Canova dal post spezialisà dal Plantahof en sia communicaziun. Ils trais pairers a Versomi èn ils emprims trais cas grischuns quest onn.

L'arsira da plantas è ina malsogna bacteriala contagiusa. Causa temperaturas autas durant intgins dis tranter mez avrigl e mez matg haja quai dà intgins dis dad infecziun, scriva il post. En pli renda el attent al fatg, ch'i saja dad annunziar eventuals cas a'ls incumbensads uffizials. I dettia tests svelts per identifitgar las bacterias da l'arsira da plantas infra minutas.

RR novitads 14:00