Siglir tar il cuntegn

Header

audio
Chatscha: Jessica Spescha malegia selvaschina
Or da Actualitad dals 28.09.2021.
laschar ir. Durada: 2 minutas 29 Secundas.
cuntegn

Art da selvaschina La pictura artista e sia passiun per animals

La giuvna d’Andiast è enconuschenta pervia da ses maletgs da selvaschina, sco tschiervs, chamutschs e chavriels. Ma ses animal preferì è il luf-tscherver.

Mamma ha inspirà e motivà ella 

Ella malegia dapi ch’ella possia sa regurdar, di Jessica Spescha che ha 25 onns e lavura sco assistenta en la pratica da veterinari a Sumvitg. Sia mamma haja inspirà e motivà ella.

Malegiar ha accumpagnà mai fin uss adina en la vita e vegn era a star ina part da mai.
Autur: Jessica Spescha Pictur-artista

Maletgs cun acril

Ses motivs principals èn animals. Quels malegia ella cun acril – il bler sin ina taila da glin – a moda realistica cun ina culissa abstracta. Impurtant saja la tensiun e la dinamica.

Auters motivs malegia Jessica Spescha darar – e sche, alura mo sch’insatgi emposta. Er en la pratica capita quai – sch’els stoppian durmentar chauns ubain giats – che las possessuras e possessurs vulan in maletg sco regurdientscha.  Ed era chatschadras e chatschaders hajan interess da ses art.

La selvaschina fascinescha mai, perquai ch’ella po viver en libertad.
Autur: Jessica Spescha pictur-artista

Jessica Spescha lavura era da temp en temp en in studio da tattoos enta Val. La fin da l’onn veglia ella realisar in atelier, la remisa d’art a Luven. La finamira fiss da viver da l’art u almain da malegiar tant sco pussaivel.

video
Jessica Spescha en ses atelier a Luven.
Or da Giuventetgna dals 28.09.2021.
laschar ir. Durada: 2 minutas 25 Secundas.

RTR actualitad 11:00

Artitgels legids il pli savens