Siglir tar il cuntegn
cuntegn

Surselva Avant 1250 onns era Sagogn la chapitala da la Surselva

Tenor il testament da l’uvestg Tello giugava Sagogn ina rolla impurtanta per la Surselva - e quai fin ils onns 1480. Inqual chasa a Sagogn è anc oz perditga da quai.

Legenda: Guardar il video Rolla impurtanta per Sagogn en il testament da Tello l'onn 765. Durada 02:52 minutas.
Or da Actualitad video dals 23.11.2015.

La fin da l’era da Sagogn ha la finala muntà l’entschatta da l’impurtanza da la citad da Glion.

Quels fatgs istorics èn per part enconuschents als da Sagogn. Tuttina èn els vegnids a tadlar il referat da l’istoricher Martin Bundi. Ina saira d’istorgia per la populaziun da Sagogn - organisada da la vischnanca da Sagogn.

Il success da la saira è demussà, cura ch’ils ha Sagogn han fatg in viva ensemen ed èn stads da cuminanza. Bain inqual era in zic loschs d'avair udì ch'il vitg da Sagogn era ina giada la chapitala da la Surselva.