Siglir tar il cuntegn

Header

Las pendicularas da Val stattan avant in avegnir intschert.
Legenda: Ensi ni engiu? Las pendicularas da Val stattan avant in avegnir intschert. RTR, L. Livers
cuntegn

Surselva Avegnir intschert da las pendicularas da Val

Il bun resultat da Pasca na salva betg la schletta stagiun d’enviern 2015/16. Las pendicularas da Val quintan cun 30 enfin 35% damain entradas.

Ils dis da Pasca èn passads e cunquai er la davosa pussaivladad per las pendicularas dad anc in giada far fatschenta.

Sustegn finanzial da la vischnanca

Bunas cundiziuns da naiv e bell'aura han era procurà tar las pendicularas da Val per ina fitg buna svieuta. Tuttina quinta il directur da las pendicularas Maurus Tomaschett cun ina digren d’entradas da 30 enfin 35% cumpareglià cun la media dals davos tschintg onns.

Gia l’onn passà ha la vischnanca da Val stuì salvar las pendicularas cun dar 500’000 francs per cuvrir tut ils custs. Era quest onn quinta Maurus Tomaschett ch’el dovria il sustegn da la vischnanca.

Forsa serrar manaschi d'enviern

Per midar la situaziun dovria quai ina midada da la strategia da las pendicularas. Actualmain saja il cussegl d’administraziun da las pendicularas en discussiun cun la suprastanza communala per chattar ina soluziun.

En discussiun stettian scenaris sco per exempel betg pli porscher offertas per il sport da skis e sa concentrar sin purschidas per viandants ni era insumma da serrar il manaschi l’enviern ed avrir be pli la stad.

RR Actualitad bunura 06:00

RTR/al/alb

Artitgels legì il pli savens

Nach links scrollen Nach rechts scrollen