Uss fa el ir la fatschenta cun trais collavuraturas. In di ad emna è el sez a Curaglia, surtut era per avair contact cun ils clients, sco el ha ditg ad RTR.
Mo i n’è betg simpel da manar ina stizun pitschna en ina vischnanca cun strusch 400 abitants. Ina stizun stoppia porscher ils products che la clientella giavischa. Vitiers vegnian ils custs da persunal e per assicuranzas socialas.
Svieuta na cuntenta betg
La svieuta na cuntentia betg. Fredy Caminada quinta ch’i dettia in deficit. Quest onn na giaja quai betg bain. Mo perquai ch’els hajan pudì vender vivondas e bavrondas per il solver als requirents d’asil sajan els anc mitschads cun in egl blau. Mo l’avegnir è malsegir. Sche la digren cuntinueschia stoppia el forsa serrar il Maxi.