Siglir tar il cuntegn

Surselva Avert avant 20 onns la ludoteca a Mustér

Avant 20 onns è la «Ludoteca Mustér» vegnida fundada sco emprima ludoteca en Surselva. Er sch’il dumber d’abunaments è sa reducì, vegn guardà positiv en il futur.

Monique Huonder
Legenda: Monique Huonder, l'inizianta e manadra da la ludoteca Mustér e conturn. RTR, Gion Hosang

La Ludoteca Mustér e conturn che sa chatta en la Halla Cons ha in sortiment da bun 1'400 gieus, termagls, vehichels e DVD's. Mintg’onn vegnan var 100 gieus barattads ora cun ils pli novs ch’èn vegnids sin il martgà.

Damain abunaments

Da la gronda purschida vegn dentant fatg diever adina pli pauc, declera la manadra da la ludoteca Monique Huonder. Ch’il dumber d’abunaments va enavos ha tenor ella plirs motivs. «I ha pli paucas famiglias e pli paucs uffants», declera Monique Huonder. Latiers vegnian bleras famiglias da l’exteriur e n’enconuschian betg la cultura da giugar sco la Svizra. Ina concurrenza è era la digitalisaziun. Mo sco Monique Huonder di, mussia il martgà da gieus ch’i vegnia anc adina dà gieus ed uschia na vegnia il mument betg prendì mesiras spezialas.

Festa da giubileum

Il november vegn organisà ina festa da giubileum cun in di da las portas avertas. Durant l’entir onn datti dentant era adina puspè surpraisas per ils visitaders da la ludoteca.

Legende: Video Gieus digitals ubain gieus analogs - tge plascha meglier? abspielen. Laufzeit 3:56 Minuten.
Or da Minisguard dals 11.03.2017.