Siglir tar il cuntegn

Header

video
«Moda Decurtins» - success en il temp da crisa cun product da nischa
Or da Telesguard dals 08.05.2020.
laschar ir
cuntegn

Avertura stizun da vestgadira Success en il temp da crisa cun product da nischa

La «Moda Decurtins» è pronta per l'avertura da las duas stizuns da vestgadira. Ma la stagiun da primavaira è quasi finida. Tuttina sa legran possessur ed emploiadas da pudair avrir la stizun. Era grazia a la vendita da vestgadira per fatschentas han els pudì surviver la crisa be cun in egl blau.

Il possessur da moda Decurtins, Sascha Decurtins, maina cun sia dunna duas stizuns da vestgadira. Ina a Glion ed ina a Mustér. Ina da las prescripziuns che la Confederaziun dat avant è che be ina persuna possia esser sin 10 meters quadrat. La stizun a Glion ha 350 meters quadrat, quella a Mustér 100 meters quadrat. Uschia pudessan 35 persunas esser il medem mument en stizun a Glion e 10 a Mustér. Quai na saja dentant mai il cas, di Sascha Decurtins. Perquai na sa midia betg uschè bler per els. Tuttina vegnian els era a resguardar las reglas da distanza, quai saja il pli impurtant.

Vestgadira en la quarantina

Ina regla ch’els vegnian segir era a resguardar è da metter davent vestgadira da persunas ch’els na sappian betg dir sch’ellas sajan malsaunas. Quai fetschian els per la segirtad da las clientas ed ils clients. Era vegnian els a purtar ina mascra da protecziun sche quai saja da far adattaziuns vid la vestgadira, sco per exempel far pli curt ina chamischa, di Sascha Decurtins. Ma durant lavurar na vegnian els normalmain betg a purtar guants ni mascras.

Cun moda per fatschentas surmuntà la crisa

Durant il «lockdown» ha Sascha Decurtins gì dapli temp per tgirar la sparta «moda per fatschentas». Sias stentas han rendì – e quai gist era per autras fatschentas en la regiun.

En temps normals n’ha il spezialist da moda betg gì la peda per promover sia sparta per outfits per firmas. I sa tracta surtut d’individualisar giaccas u shirts cun logos da firmas u dad uniuns. Las lavurs da cuser u da tatgar quels logos sin las textilas surdat el a firmas en la regiun.

Uschia hajan els survivì la crisa sulet cun in egl blau.

RTR actualitad 17:00 e Telesguard 17:40

Artitgels legids il pli savens

Scrollar a sanestra Scrollar a dretga