Siglir tar il cuntegn

Header

cuntegn

Surselva Avrir la primavaira il territori da skis è reclama

Il territori da Skis da Mustér è il sulet territori da skis en Surselva nua ch'ins po anc ir sur Anzainzas e da Tschuncaisma cun skis.

Pervi dals daners na stoppian ins betg avrir suenter la stagiun da skis anc ina giada d’Anzainzas e Tschuncaisma il territori da skis, di il directur da las Pendicularas Mustér, Rudolf Büchi. Ils custs da manaschi na sappian betg vegnir cuverts cun la svieuta che vegn fatga quests dis. Damai ch’i saja dentant in dals paucs territoris nua ch’ins po anc ir da quest temp cun skis saja quai ina buna reclama. Londervi vegnia ch’era il pass da l’Alpsu è avert ed uschia cuntanschian ins tut auter giasts che durant l’enviern.

audio
Saira: Preparativas per ir cun skis d'Ascensiun a Mustér
ord Actualitad dals 04.05.2016.
laschar ir. Durada: 2 minutas 41 Secundas.

I na dovra betg gronds sforzs per metter en funcziun tut

Sco quai che Rudolf Büchi declera saja ins lavurers actualmain anc en il territori da skis per far lavurs da mantegniment e da revisiun. Uschia ch’el na stoppia betg clamar quels extra pervi da las duas fins d’emna prolungadas ch’il territori avra suenter la stagiun. Sumegliant vesia quai ora tar la gastronomia.

Bunas relaziuns da naiv

A Caischavedra haja quai anc adina 50 centimeters naiv e pli ensi a Lai Alv regia anc profund enviern, di Rudolf Büchi. Uschia vegn avart la pendiculara a Caischavedra, las emprimas duas sutgeras ed il runal dal Péz Ault. Per quels che fan turas va la pendiculara gia ina giada la bun’ura las 6.30.

Artitgels legids il pli savens