Che Cuira po introducir ina scola da talents ha tuttina ina gronda influenza sin la scola da Glion. I haja dà bler damain annunzias a Glion. Da 24 scolaras e scolars che sajan s'annunziads per ils examens adempleschan 18 ils criteris, ha ditg il manader da la scola da talents a Glion, David Halser. Els avessan bain giavischà dapli annunzias, ma cun 18 sajan els cuntents.
Betg concurrenza, mabain schlargiament
La scola da Cuira na saja betg exnum ina concurrenza, mabain in schlargiament, ha Halser punctuà. Senza Cuira na fissan els probabel betg vegnids a frida cun l'interess ordvart grond. La scola da talents en Surselva saja il mument vi dal sviluppar in'uniun tetgala cun il num «Grischa talents» per pudair coordinar meglier la repartiziun dals scolars ed ils plans strategics da las quatter scolas da talent en il Grischun.
Telesguard 17:40