Siglir tar il cuntegn

Header

audio
USSI: Trenament da las junioras FF15
Or da Sport ed actualitad dals 20.08.2022.
laschar ir. Durada: 4 minutas 18 Secundas.
cuntegn

Ballape «Team Surselva»: L'emprima squadra da junioras en la regiun

Las 21 ballapedistas da l'Uniun sportiva Schluein han avant curt entschet cun il trenament. Ellas giogan davent da questa stagiun en la liga da dunnas FF-15 sut il num «Team Surselva».

Las junioras da l'US Schluein Glion han enfin l'onn passà giugà cun l'equipa E. Quai vul dir, cun ils juniors ensemen. Tenor Vitus Gartmann, in dals trenaders, hajan ins vesì ch'i dettia ina meglra dinamica sch'ins fetschia in «pool» da be ballapedistas. Sin iniziativa e cun l'engaschi da la trenadra Ester Vonplon è la squadra da las junioras vegnida messa ensemen. Las ballapedistas sajan fitg cuntentas da pudair giugar tranter ellas. En la squadra mischedada n'hajan ellas survegnì pli pauc la balla ch'ils buobs. Per l'auter vegnian ellas savens partidas en sin posiziuns defensivas.

Il ballape da dunnas ha prendì chatsch ils davos onns. Il campiunadi europeic da quest onn ha plinavant gidà da popularisar il sport tar las dunnas. Enfin qua n'avevan ballapedistas che vulevan giugar en in'equipa da junioras betg la pussaivladad da far quai. Uss è quai sa midà.

Jau hai il sentiment ch'il ballape da dunnas n'è betg pli da tegnair si. L'acceptanza ed il respect vegnan adina pli gronds.
Autur: Ester Vonplon trenadra da ballape

Era sch'il ballape da dunnas ha prendì chatsch na saja il sustegn per las junioras anc betg uschè grond sco tar ils juniors, di Ester Vonplon. Ella numna per exempel la pussavladad da giugar en ina selecziun grischuna. Il ballape da dunnas n'haja mai lieu sin la plazza da ballape «Crap Gries» a Schluein. Forsa sa mida quai cun il svilup naziunal ed internaziunal.

RTR actualitad 17:00

Artitgels legids il pli savens

Scrollar a sanestra Scrollar a dretga