Siglir tar il cuntegn

Header

Navigaziun

La sedia principala da la banca Raiffeisen Cadi a Mustér.
Legenda: La sedia principala da la banca Raiffeisen Cadi a Mustér. RTR, Gionduri Maissen
cuntegn

Surselva Banca Raiffeisen Cadi cun gudogn constant

La banca Raiffeisen Cadi ha pudì nudar l’onn da fatschenta 2018 in gudogn net da radund 513'000 francs. Quai in augment da 0,6%. Il resultat da fatschenta è dentant sa reducì da radund 2,7 milliuns sin 2,2 milliuns francs.

Ils emprest ipotecars da la banca Raiffeisen Cadi èn creschids l’onn da gestiun 2018 per 2,6% sin radund 441 milliun francs, quai scriva la banca en ses rapport da gestiun. Las facultads da la clientella èn creschidas per radund 2% sin 400 milliuns francs.

Scandal enturn Pierin Vincenz – betg gronda influenza

Sco il parsura da la direcziun da la banca Raiffeisen Cadi Alfons Quinter ha confermà n’ha l’affera enturn la banca Raiffeisen Svizra e ses anteriur CEO Pierin Vincenz betg giu influenzas pli grondas sin las fatschentas. In ni dus cas singulas haja quai dà ma betg da menziunar, accentuescha Alfons Quinter. Intern haja il cas dentant dà bler da discutar e las conclusiuns ord l’entira affera vegnian il mument discutadas e realisadas en in concept surregiunal, ha ditg Alfons Quinter ch’è era en suprastanza da las bancas Raiffeisen grischunas.

RR novitads 06:00