Siglir tar il cuntegn
Inhalt

Surselva Banca Raiffeisen Cadi - in mez milliun francs gudogn il 2017

La banca Raiffeisen Cadi serra l'onn da gestiun 2017 cun in gudogn net da 510'213 francs. La summa da bilantscha è creschida per 25 milliuns sin 533 milliuns francs.

La sedia principala da la Raiffeisen Cadi a Mustér.
Legenda: La sedia principala da la Raiffeisen Cadi a Mustér. RTR

Sco la banca ha communitgà en il rapport da gestiun, ha cunzunt l'augment da 6,3% dals daners da clientella e da 2,1% dals emprests ipotecars auzà la summa da bilantscha. Il gudogn net da 510'213 francs è dentant gnanc 1% pli aut che quel dal 2016.

Il retgav ord las fatschentas commerzialas, da cumissiun e da servetschs è bain creschì per 27%. Quest augment è dentant puspè vegnì gulivà entras ina diminuziun da 4% dal retgav ord la fatschenta da tschains. Quai causa la digren da la marscha da tschains.

RR novitads 17:00