Siglir tar il cuntegn

Header

cuntegn

Surselva Banca Raiffeisen Surselva e Tumpiv pon fusiunar

Cun 1930 gea è la fusiun cun la banca Raiffensen Tumpiv vegnida acceptada cleramain. 1979 societaris da total 7620 societaris han prendì la chaschun e votà en scrit.

La votaziun da basa dals commembers da la cooperativa da la Raiffeisen Surselva haja purtà in cler gea per la fusiun da la Raiffeisen Tumpiv. Quai scrivan ils responsabels. La Raiffeisen Tumpiv aveva gia decis ils 23 da mars da fusiunar.

Cussegl d'administraziun

Reelegì sco president dal cussegl d'administraziun da la Raiffeisen Surselva è Ernst Sax, Cuort (Sursaissa). Reelegids èn era ils ulteriurs commembers e commembras dal cussegl d'administraziun: Hilda Livers-Capeder, Camuns e Martin Caduff, Morissen. Da nov part da la suprastanza fa Maurus Cathomas, fin uss president dal cussegl d’administraziun da la Raiffeisen Tumpiv.

Il resultat da la votaziun mussa cler la voluntad dals societaris, da stgaffir ina ferma ed en la regiun fitg bain francada banca.
Autur: Ernst Sax president cussegl d'administraziun Raiffeisen Surselva

2018 - onn da midada

Quest onn vegn ad esser in onn da midadas per la banca Raiffeisen Surselva e la banca Raiffeisen Tumpiv. La fusiun da las duas bancas auza la summa da bilantscha per 100 milliuns francs ed il dumber da commembers crescha per bunamain 900 commembras e commembers sin bunamain 8'400 persunas. A lunga vista duai il cussegl lura era vegnir reducì da tschintg sin trais persunas.

Cooperativa banca Raiffeisen Surselva

Avrir la box Serrar la box

Tar la banca Raiffeisen Surselva lavuran 27 collavuraturs. La banca dispona da nov d'ina summa da bilantscha da var 760 milliuns francs. Ella dumbra bunamain 8'400 societaris sco cumpossessurs da la banca.

RR novitads 06:00

Artitgels legids il pli savens