Siglir tar il cuntegn

Header

Navigaziun

cuntegn

Surselva Banca Raiffeisen Tumpiv: 42'000 francs gudogn en il 2016

Ils responsabels da la Banca Raiffeisen Tumpiv èn cuntents cun l'onn da gestiun 2016. La summa da bilantscha crescha per 3,9% sin 91,5 milliuns francs.

Il logo da la Banca Raiffeisen.
Legenda: Il logo da la Banca Raiffeisen. Raiffeisen Svizra

Tenor ina novitad da l'Agentura da Novitads Rumantscha èn ils responsabels da la Banca Raiffeisen Tumpiv cuntents cun l'onn da gestiun 2016. Cun radund 42'000 francs è il gudogn annual mo levamain sut quel da l'onn precedent.

La banca che cumpiglia l’intschess da las vischnancas Breil e Vuorz, ha pudì augmentar las ipotecas per 4,1% sin 72,3 milliuns francs ed era ils deposits da clients èn creschids per 3,3% sin 72,4 milliuns francs.

La svieuta munta a 1,17 milliuns francs e la summa da bilantscha è creschida l’onn 2016 per 3,9% sin 91,5 milliuns francs.

RR novitads 16:00