La plaiv refurmada da Vuorz ha decidì dumengia saira ch'ella vuless collavurar cun Castrisch-Riein-Sevgein. Conrad Dalbert da la plaiv da Vuorz e Martin Gabriel da la plaiv da Castrisch vulan uss s'inscuntrar. Quai han els confermà envers la FMR. Finamira saja da discutar la procedura per organisar la pastoraziun communabla. Pir cura che quai saja reglà possian las duas plaivs tschertgar la persuna per l'uffizi da pravenda.
Il contract da la plaiv da Vuorz cun Glion e Schnaus scada il zercladur. Sco che la FMR scriva, n'haja Schnaus betg vulì cuntinuar la pastorisaziun cun Vuorz.