Siglir tar il cuntegn

Header

Navigaziun

cuntegn

Baselgia serrada Ina chandaila ha tschufragnà l'entira baselgia da Castrisch

La chandaila ha ars plirs dis en la sacristia ed il fim da fulin è sa repartì en l’entira baselgia.

Ils 5 da fanadur hai dà per la calustra da Castrisch ina surpraisa. En l’entira baselgia pendevan cordas da fulin ed i savurava da chandailas arsas. Suenter avair clamà il responsabel da la plaiv è vegni constatà ch’ina chandaila en sacristia era envidada. Tgi che ha envidà la chandaila n‘e betg enconuschent. Pli probabel ha la chandaila dentant brischà plirs dis.

Entras il fulin è l’entira baselgia vegnida tschufragnada. Las cordas da fulin sa furman entras in fenomen che ha da far cun l’umiditad da l’aria e l’aria currenta.

Orgla ord funcziun

Il grond donn ha la chandaila dentant chaschunà vid l'orgla. Quella è tschufragnada talmain ch'ella sto vegnir demontada totalmain per schubregiar ella. Quella lavur basegna 2 enfin 3 emnas. Las lavurs vid l'orgla vegnan exequidas durant il mais october. Enfin lura na po l'orgla betg vegnir duvrada. Per il temp che l'orgla è ord funcziun vegn installà ina orgla mobila

En il mument èn differentas firmas spezialisadas vid schubregiar la baselgia. Quella resta pli probabel serrada enfin dumengia ils 21 da fanadur 2019. Il donn total vegn calculà sin plirs 10'000 francs.

RR novitads 17:00