Siglir tar il cuntegn

Header

cuntegn

Baselgias vidas La lavur en baselgia è sulet ina part da la lavur

Il dumber da persunas che va regularmain en baselgia vegn adina pli pitschen. La crisa da corona cun las restricziuns, ha procurà che anc pli paucs parochians e pli paucas parochianas visitan regularmain la sontga Messa.

audio
Baselgias vidas: Visitas a chasa durant corona
ord Actualitad dals 23.02.2022.
laschar ir. Durada: 3 minutas 49 Secundas.

Visitas a chasa

Las visitas da persunas malsaunas, attempadas e pli veglias tutgan tar la lavur da mintgadi dal plevon sur Peter Aregger. El è responsabel per las plaivs da Vella, Degen, Vignogn e Morissen en Lumnezia.  

Sper las persunas privatas visita sur Peter Aregger era ils cussadents e las cussadentas da la chasa da vegls e da tgira a Vella. Là n’aveva el durant la pandemia da corona per pliras emnas però betg dastgà far visitas.  L’emprima sontga Messa suenter quai temp ha impressiunà il plevon.

Quai è stà sco Nadal e Pasca ensemen. Suenter quai lung temp puspè celebrar da cuminanza è sta fitg impressiunant.
Autur: Sur Peter Aregger plevon

Per il plevon èsi impurtant d’emprender ord il temp da crisa. Quai temp haja mussà ch’ins stoppia esser pront da tegnair ora ina situaziun difficila e da betg dar si memia spert.

RTR actualitad 07:00

Artitgels legids il pli savens

Scrollar a sanestra Scrollar a dretga