Ils battasendas grischuns han organisà l’inscunter chantunal «KaLaGR24» en Surselva a Plaun Petschen. Ina da las raschuns è era che la regiun Surselva n’ha nagina secziun da battasendas ed uschia è la regiun nova per tuts, declera Mirco Gut che vegn numnà «Möbius» dals battasendas. El è dapi in pèr onns cunresponsabel chantunal. Ma er il lieu stoppia constar, uschia dovria ina buna infrastructura, sco aua, electricitad ed ina pussaivladad da dismetter l’aua tschuffa, e quasi tut quai hajan els chattà a Plaun Petschen a Sumvitg. In auter punct è che la vischnanca da Sumvitg sustegna els fitg, di Mirco Gut, uschia ch’els sajan fitg leds d’avair chattà questa soluziun.
-
Bild 1 von 16. Nyan ha fatg ina sutga. Bildquelle: RTR.
-
Bild 2 von 16. Tenda da sarasani. Bildquelle: RTR.
-
Bild 3 von 16. Bildquelle: RTR.
-
Bild 4 von 16. Il champ la damaun. Bildquelle: RTR.
-
Bild 5 von 16. Il champ chantunal la damaun marvegl. Bildquelle: RTR.
-
Bild 6 von 16. La notg sin mesemna è stada in zic pli frestga che quellas avant. Bildquelle: RTR.
-
Bild 7 von 16. Il paun per l'ensolver è pront. Bildquelle: RTR.
-
Bild 8 von 16. Sco ina stizun da vitg ha er il champ da battasendas in depot per las mangiativas. Bildquelle: RTR.
-
Bild 9 von 16. Las reservas. Bildquelle: RTR.
-
Bild 10 von 16. Il champ da battsendas è grond e perquai dovri orientaziun visuala. Bildquelle: RTR.
-
Bild 11 von 16. La tur da l'entrada cun access e davos è l'ustria publica dal champ da battasendas sut Sumvitg. Bildquelle: RTR.
-
Bild 12 von 16. La vista da la tur envers l'areal dal champ principal. Bildquelle: RTR.
-
Bild 13 von 16. L'entrada en il champ principal dals battasendas grischuns, nua che passa 500 uffants e giuvenils han giudì il champ chantunal. Bildquelle: RTR.
-
Bild 14 von 16. Las cuschinas sa chattan en il liber e mintga secziun guarda sezza da s'organisar. Bildquelle: RTR.
-
Bild 15 von 16. Cuschina da la secziun Falkenstein Landquart. Bildquelle: RTR.
-
Bild 16 von 16. La damaun sveglian ils da Schiers il champ cun posauna. Bildquelle: RTR.
Motto dal champ da quest onn «Lamasendas – las vias a la citad dad aur»
Mintga champ pli grond stat sut in motto. Quest onn è quai «Lamasendas» e las gruppas, che vegnan numnads pievels, sa chattan sin ina insla en la citad dad aur. Ils pievels vegnan tuts da differentas valladas ed ellas ston chattar la via stentusa tras guauds e planiras. Mintga pievel ha ina abilitad speziala, ma sche tuts collavureschan e sa gidan lura profiteschan tuts e chattan la via. La finamira è lura da chattar ed installar ina via da commerzi per pudair sa barattar cun la rauba.
Anc fin sonda ils 3 d’avust
Per las participantas ed ils participants va il champ da battasendas a fin la sonda. Las lavurs da dismetter e rumir surtut las installaziuns grondas, sco la tur a l’entrada duran lura anc fin ils 7 d’avust, scrivan ils responsabels. L’organisaziun da tut ha cuzzà quasi quatter onns e la finanziaziun è vegnida realisada tras donaziuns ed ina acziun da crowdfunding, uschia ch’ils uffants ston sulettamain pajar ina modesta contribuziun finanziala per las duas emnas champ chantunal da battasendas.
Or da l'archiv: