-
Bild 1 von 8. Per l'emprima giada han era exposituras d'ordvart pudì exponer en Casa Depuoz a Trun. Bildquelle: RTR, Gionduri Maissen.
-
Bild 2 von 8. La purschida era fitg vasta. Bildquelle: RTR, Gionduri Maissen.
-
Bild 3 von 8. A Trun èsi blers onns tradiziun ch'ils uffants pon trair chandailas. Bildquelle: RTR, Gionduri Maissen.
-
Bild 4 von 8. Las gidantras ed ils gidanters spetgan da decorar e pachetar las chandailas fatgas dals uffants. Bildquelle: RTR, Gionduri Maissen.
-
Bild 5 von 8. Las sculpturas da lain han fatg impressiun. Bildquelle: RTR, Gionduri Maissen.
-
Bild 6 von 8. A Trun han ins era pudì cumprar gieus fatgs ord da lain. Bildquelle: RTR, Gionduri Maissen.
-
Bild 7 von 8. Il barat e la sentupada stat era qua en il center. Bildquelle: RTR, Gionduri Maissen.
-
Bild 8 von 8. Da mangiar dultsch n'ha betg mancà. Bildquelle: RTR, Gionduri Maissen.
La Casa Depuoz organisescha dapli che 30 onns durant l’advent ina exposiziun cun chaussas zambregiadas da las cussedentas ed ils cussedents. Bleras persunas vegnan mintg’onn per cumprar, ma surtut era per sustegnair la chasa che dat dimora, lavur ed occupaziun a persunas cun in impediment. Quest onn han ils responsabels dentant fatg gist duas midadas.
Fin d’emna avant advent
Sco ils responsabels da la Casa Depuoz han ditg, saja stà temp da far ina midada. I saja impurtant d’avrir la chasa a tuts. Perquai saja l’idea naschida d’avrir quest onn l’exposiziun era per expositurs da la regiun. Uschia saja la schanza gronda, ch’era autras persunas vegnan a visitar l’exposiziun. Cun avrir quella, saja dentant era stà impurtant da stuschar l’exposiziun sin il temp avant l'advent. Uschia saja pussaivel da vender era regalins per Nadal ni era cranz d’advent al bazar. E la fulla da visitadras e visitaders ha dà raschun als responsabels da la Casa Depuoz.
Confusiun da termins
Els n’hajan betg l’intenziun da concurrenzar in'autra fiera, ha ditg Barbara Hoffmann, la responsabla per ils creschids en la Casa Depuoz. E la purschida qua sa differenzieschia era da purschidas a autras fieras sumegliantas.
RTR actualitad 07:00