Siglir tar il cuntegn

Header

cuntegn

Bazar Casa Depuoz Trun Exposiziun cun tradiziun – ma cun midadas

La Casa Depuoz organisescha dapli che 30 onns durant l’advent ina exposiziun cun chaussas zambregiadas da las cussedentas ed ils cussedents. Bleras persunas vegnan mintg’onn per cumprar, ma surtut era per sustegnair la chasa che dat dimora, lavur ed occupaziun a persunas cun in impediment. Quest onn han ils responsabels dentant fatg gist duas midadas.

audio
Casa Depuoz a Trun cun nova furma e pli baud che usità
ord Actualitad dals 25.11.2019.
laschar ir. Durada: 2 minutas 35 Secundas.

Fin d’emna avant advent

Sco ils responsabels da la Casa Depuoz han ditg, saja stà temp da far ina midada. I saja impurtant d’avrir la chasa a tuts. Perquai saja l’idea naschida d’avrir quest onn l’exposiziun era per expositurs da la regiun. Uschia saja la schanza gronda, ch’era autras persunas vegnan a visitar l’exposiziun. Cun avrir quella, saja dentant era stà impurtant da stuschar l’exposiziun sin il temp avant l'advent. Uschia saja pussaivel da vender era regalins per Nadal ni era cranz d’advent al bazar. E la fulla da visitadras e visitaders ha dà raschun als responsabels da la Casa Depuoz.

Confusiun da termins

Els n’hajan betg l’intenziun da concurrenzar in'autra fiera, ha ditg Barbara Hoffmann, la responsabla per ils creschids en la Casa Depuoz. E la purschida qua sa differenzieschia era da purschidas a autras fieras sumegliantas.

RTR actualitad 07:00

Artitgels legids il pli savens