A Schluein ha ars ina stalla sin il manaschi Salens sut Ruschein. Sco quai che la Polizia chantunala conferma, n'èn naginas persunas e nagins animals vegnids blessads. La stalla cun garaschas è dentant vegnida destruida dal tut. Ils pumpiers da Glion e Laax èn entrads en acziun suenter l'alarm enturn las 20:00 da la saira cun bun 50 persunas.
Cun sustegn dad in camiun cun crana han las forzas d’intervenziun pudì prender il fain or da la stalla ed uschia impedir ch’il fieu sa derasia sin la chasa d’abitar.
Davart la raschun per il fieu n'è enconuschent anc nagut. La Polizia chantunala instradescha las investigaziuns.