Siglir tar il cuntegn

Header

video
Il project «Bergsolawi» – project cun massa idealissem
Or da Telesguard dals 05.10.2021.
laschar ir
cuntegn

«Bergsolawi» In project cun massa idealissem

En Svizra svaneschan adina dapli bains purils, surtut pitschens manaschis. In project solidaric vul gidar.

Mintga di dus enfin trais manaschis pli pauc – quai è la realitad en l'agricultura svizra. Per sustegnair ils purs e las puras datti in project cun il num «Solawi» (Solidarische Landwirtschaft). «Solawi» stat per in model agricul, nua ch'ils consuments e las consumentas pajan mintg'onn ina tscherta summa e gidan insaquants dis sin ils bains purils.

Persuenter survegnan els ils products directamain dals bains purils – sco era in pled en chaussa. A maun da quest concept duajan las puras ed ils purs vegnir distgargiads da la lavur – ma surtut era dal squitsch finanzial.

audio
SoLaWi: persunas da la Bassa gidan sin bain puril
03:16 min, Actualitad dals 05.10.2021.
laschar ir. Durada: 03:16 minutas.

Da la bassa en la muntogna

Quell'agricultura solidarica funcziuna en la Bassa gia plirs onns. Da nov datti uss era «Bergsolawi» – il project per in'agricultura solidarica en la muntogna. Naschida è l'idea en la Surselva. In pur che tutga tar ils piuniers da «Bergsolawi» è Sep Candinas da Sumvitg. Sin ses bain puril èn sa rimnads differents interessents per in «di da fufragnar», che vulan uschia emprender dapli davart il project sco era la lavur sin il manaschi, per suenter decider sch'els ed ellas vulan far part dal project.

video
Tge è SoLaWi e co funcziuna questa agricultura solidarica?
Or da RTR Social dals 06.10.2021.
laschar ir

Per tut ils commembers e commembras stat davos il project ina massa idealissem ed uschia n'è quai era nagin grond tema, ch'il project «Bergsolawi» na renda actualmain anc insumma betg.

RTR Telesguard 17:40

Artitgels legids il pli savens

Scrollar a sanestra Scrollar a dretga