Siglir tar il cuntegn

Header

cuntegn

Surselva Betg damain lecziuns da rumantsch a la scola primara da Trin

Per la tschintgavla e sisavla classa datti a partir da l’auter onn da scola quatter lecziuns rumantsch ad emna. Quai n'èn betg pli paucas lecziuns che enfin ussa, ma damain lecziuns ch'en ina scola rumantscha.

Per la tschintgavla e sisavla classa datti a partir da l’auter onn da scola quatter lecziuns rumantsch ad emna. Quai n'èn betg pli paucas lecziuns ch'enfin ussa, ma damain lecziuns ch' en ina scola rumantscha.

La regenza ha approvà la tavla da lecziuns adattada. Ultra da quai pon ils scolars da Trin tscherner, sch’els vulan frequentar a la fin da la sisavla classa las lecziuns da rumantsch u lecziuns da talian a partir da las vacanzas da sport la primavaira.

audio
Bunura: Per la pasch linguistica – 4 lecziuns rumantsch a Trin
ord Actualitad dals 11.11.2017.
laschar ir. Durada: 2 minutas 20 Secundas.

Cumpromiss per betg grittentar ils adversaris dal rumantsch

Els hajan tschernì da porscher quatter enstagl da tschintg lecziuns da rumantsch per betg surchargiar ils scolars cun bleras lecziuns, di Christian Erni, manader da la scola primara a Trin, e per betg grittentar la populaziun che n’ha betg gugent il rumantsch.

La tavla da lecziuns da la scola da Trin è uffizialmain acceptada ed adattada per l'introducziun dal Plan d'instrucziun 21. Quai era sch'ella prevesa ina lecziun da rumantsch pli pauc che la tavla da lecziuns per scolas rumantschas. La scola primara da Trin è dentant ina scola bilingua. Per scolas bilinguas na datti betg ina tavla da lecziuns fixa. Tenor l'inspecturat da scola sa tracti d'ina schliaziun pragmatica che saja supportabla per la scola da Trin e che pussibiliteschia da promover la bilinguitad.

La Lia è cuntenta, cun resalvas

La Lia è cuntenta che la scola da Trin na reducescha betg l’instrucziun da rumantsch. En la sisavla classa han ils scolars schizunt ina lecziun dapli ch’enfin uss. Dentant less la Lia sclerir sch’igl è forsa encunter la lescha da linguatgs da porscher als scolars da smetter cun rumantsch, a la fin da la sisavla classa, per cumenzar cun talian.

RR novitads 10:00

Artitgels legids il pli savens