Siglir tar il cuntegn

Header

Visualisaziun da la tur da Val che duess vegnir 381 meters auta.
Legenda: Visualisaziun da la tur da Val che duess vegnir 381 meters auta. Keystone
cuntegn

Surselva Betg impussibel, dentant fitg delicat

Fabritgar a Val la pli gronda tur da l’Europa, quai è la finamira ambiziusa da Remo Stoffel e Pius Truffer. Per construir il bajetg da 381 meters autezza, è tenor il geolog Peter Hartmann ina construcziun sin pitgas en la terra fitg probabel la suletta pussaivladad.

Quellas pitgas ston star sin in ferm funs sut terra: vul dir sin il grip da plattamorta ch’è tranter 50 e 60 meters sut il terren. Perfuradas en questa zona èn dentant delicatas a far, sco quai che las retschertgas dal schurnal regiunal dal Grischun da radio SRF mussan.

70 tonnas cement per stuppar

Il 1996 aveva il geolog Peter Hartmann e sia equipa fatg in’emprova da furar gest sut la terma a Val. Tuttenina vegnivan 600 liters aua per minuta or da la rusna. El medem mument era il volumen che vegniva or da la funtauna d’aua minerala in zic pli ensi sa diminuì per 20%.

Ins aveva duvrà 70 tonnas cement per emplenir la rusna da la furada d’emprova per fermar l’aua. Pir suenter 3 mais era la situaziun puspè stabila.

Artitgels legids il pli savens

Scrollar a sanestra Scrollar a dretga