Siglir tar il cuntegn

Header

audio
75 onns Uorsin – La muntada per Alois Carigiet
Or da Actualitad dals 23.09.2020.
laschar ir. Durada: 02:07 minutas.
cuntegn

Biadia d'Alois Carigiet «I saja grev perquai ch’i saja guerra»

La biadia d’Alois Carigiet, Felicita Felley, raquinta, co che ses tat ha entupà Selina Chönz. Quai saja stà en in temp difficil.

Jau sun snuaivel ventiraivla e loscha sin mes tat, sin Selina e sin questa istorgia.
Autur: Felicita FelleyBiadia da Alois Carigiet

Inscunter a Turitg

Uorsin è naschì durant la Segunda Guerra mundiala. En ses diari haja il tat scrit, ch’el saja turnà da Turitg e ch’el haja emprendì d’enconuscher Selina Chönz. Ella haja preschentà ina skizza per in cudesch d’uffants, ed el vulessi gugent illustrar quel.

Ma el na possia decider en questa situaziun. I saja uschè grev, perquai ch’i saja guerra.
Autur: Felicita Felley

S'imaginar il mund dals uffants

Alois Carigiet ha dentant decidì da collavurar. Sco Felicita Felley di, saja el stà impressiunà da la cuntrada, da las chasas engiadinaisas, da las picturas e da l'usit da Chalanda mars.

El ha gì blers talents, ed in da quels è stà da pudair s’imaginar il mund dals uffants.
Autur: Felicita Felley

L'istorgia dad Uorsin è actuala

L’istorgia da l’Uorsin haja er en il temp dad oz ina muntada, di la figlia dal pictur-artist da Trun, Domenica Carigiet:

Sch’ins s’engascha vairamain per insatge, pon ins era cuntanscher insatge.
Autur: Domenica Carigietfiglia d'Alois Carigiet

RTR actualitad 07:00

Artitgels legids il pli savens

Scrollar a sanestra Scrollar a dretga