Siglir tar il cuntegn

Header

Navigaziun

cuntegn

Biblioteca Lumnezia Novas localitads duain carmalar nova clientella

Las lavurs da construcziun vid la biblioteca en las localitads da l'anteriur Volg van plaunet a la fin. Là è la nova biblioteca bain visibla e per la bibliotecara n'avessi betg dà in meglier lieu. L'architect responsabel per la renovaziun è Gion A. Caminada.

L'onn 2018 ha la biblioteca Lumnezia pudì festivar ses giubileum da 10 onns. Quella festa era anc stada en las localitads veglias, en chasa da scola a Vella.

Biblioteca da Gion A. Caminada

Quest onn pon las bibliotecaras retrair las novas localitads en l'anteriura stizun dal Volg a Vella. La vischnanca Lumnezia ha approva in credit da 220'000 francs per construir questa biblioteca. L'architect responsabel e stà Gion A. Caminada. Sco el ha tradì ad RTR saja questa chasa ina sfida tut apartia, cunquai che la chasa sa chatta en ina palì. La chasa na saja betg guliva, uschia che tut ils palantschieus hajan ina pendenza – la finala er la biblioteca, manegia cun in surrir.

La purschida

En la biblioteca a Vella datti 4'000 cudeschs. Petronella Cavegn la bibliotecara metta gronda speranza sin la nova biblioteca. Il plaz entamez la vischnanca gest sper la stizun, la banca, la chasa communala e la plazza da gieu saja da grond avantatg. La clientella da tschep che visitava la biblioteca gia pli baud sappia uschia vegnir augmentada. L'avertura da las localitads novas cuzza ina emna davent las 16 fin ils 21 da settember.

RR Total local 11:00