Bilantscha positiva - Festa d'uffants a Laax duai betg vegnir pli gronda - Novitads

Bilantscha positiva Festa d'uffants a Laax duai betg vegnir pli gronda

Radund 3'500 uffants cun lur famiglias han visità la 20avla festa d'uffants a Laax. Cun quai haja ella cuntanschì ses cunfins puncto grondezza, declera il president dal comité d'organisaziun, Linus Capaul.

Autur: Gierina Gabriel

Betg la mancanza da plaz restrenschia la grondezza da la festa d'uffants. Era na mancan betg novas ideas per ulteriurs gieus u attracziuns, manegia il president dal comité d'organisaziun, Linus Capaul.

Problematic è da survegnir avunda voluntaris. Perquai che nus duvrain sonda e dumengia mintgamai 120 voluntaris èsi grev da rabitschar ensemen quella glieud.
Autur: Linus Capaulpresident dal comité d' organisaziun da la festa d' uffants

Legenda: Tadlar il audio Bunura: Festa d'uffants a Laax – suenter 20 onns als cunfins. Durada 02:19 minutas.

02:19 min, Actualitad dals 22.07.2019.

Tut en tut èn ils organisaturs cuntents cun la festa da quest onn. Accidents n'haja dà nagins pli gronds, fan els a savair. Era grazia a la bell'aura saja la festa gartegiada, è Linus Capaul persvadì. Cun l'excepziun d'in pitschen urizi èsi stà chaud e sulegliv.

Qua intginas impressiuns da la festa: