Ils trens tranter Cuira e Glion curseschan puspè normal, quai ha communitgà la Viafier retica. Il traject tranter La Punt/Reichenau e Glion è stà interrut suenter che l'aual da Carrera – tranter Valendau-Sagogn e Versomi-Stussavgia – era ì sur ils binaris ora glindesdi suentermiezdi. La plievgia intensiva aveva manà material sin las rodaglias.
Durant il temp d'interrupziun èn cursads bus da remplazzament.