Siglir tar il cuntegn

Header

cuntegn

Biografia Laschar reviver l'istorgia da Gion Antoni Derungs

La musicologa Laura Decurtins ha scrit ina biografia musicala sur dal cumponist Sursilvan. Cun la biografia vul ella cuntanscher che tuts pon sa far in maletg dal cumponist da renum ch’è mort avant prest 10 onns. La biografia cumpiglia er in register da tuttas chanzuns cumponidas.

Gion Antoni Derungs n’è betg mo il cumponist il pli prominent dal Grischun, el vala er sco ina da las persunalitads musicalas extraordinarias da la Svizra. Creschì si a Vella en Val Lumnezia ha el chattà sco magister instrumental, organist e dirigent da chors a Cuira sia clamada, il cumponer.

Sia ovra, numnada da Derungs sezza sco «maletg da sia vita», dat perditga da la fantasia artistica e d’ina ferma identitad musicala. En confruntaziun productiva cun las tradiziuns musicalas indigenas gist tuttina sco cun ils sforzs musicals internaziunals dal 20avel e 21avel tschientaner è Derungs arrivà tar ses stil invisibel. Ma er sco intermediatur da cultura engaschà e pedagog da musica ha el fatg in num sur tut ils cunfins or. Betg sco ultim ha sia emprima «opera rumantscha» mess l’onn 1986 in term impurtant en l’istorgia da musica da la Rumantschia.

audio
Davart la biografia da Gion Antoni Derungs
ord Actualitad dals 01.09.2022.
laschar ir. Durada: 4 minutas 5 Secundas.

La scienziada da musica Laura Decurtins demussa en questa biografia il gieu dinamic da musica e d’identitad, da l’ovra e da la vita dad in dals cumponists svizzers ils pli impurtants dal preschent.

Or da l'archiv

video
Musica moderna a l'orgla da Gion Antoni Derungs
Or da Balcun tort dals 07.04.1974.
laschar ir. Durada: 13 minutas 30 Secundas.

RTR actualitad 06:00

Artitgels legids il pli savens