Siglir tar il cuntegn

Header

L'entrada al biro d'infurmaziun da Sedrun Mustér turissem el center da Sedrun.
Legenda: L'entrada al biro d'infurmaziun da Sedrun Mustér turissem el center da Sedrun. RTR Gionduri Maissen
cuntegn

Biro d’infurmaziun Mustér Ponderaziuns per in nov lieu

L’uniun Sedrun-Mustér turissem è a la tschertga d’ina nova localitad per il biro da turissem a Mustér, quai ha il president Silvio Schmid confermà.

Il lieu actual en la staziun da Mustér na cuntentia betg propi e quai dapi onns. Uschia hajan ins incumbensà la directura d'elavurar pussaivladads ed en suprastanza vegnian ins proximamain a discutar quai, di Silvio Schmid ch’è dapi quest onn president.

Era cun digitalisaziun dovra quai il contact persunal

Ils biros d’infurmaziun hajan era en il temp da la digitalisaziun lur giustificaziun. Il contact persunal e la pussaivladad da vegnir tar las infurmaziuns saja anc adina impurtant per l’osp. Ma impurtant saja ch’el possia chattar quai en in lieu central e ch’el na stoppia betg currer en tschintg differents lieus, accentuescha Silvio Schmid.

A Sedrun saja quai il mument ideal cun las localitads modernas e cun las pussaivladads da cooperar cun las pendicularas, uschia possian sinergias vegnir nizzegiadas ed ils custs possian vegnir reducids. Pertge ils custs sajan adina centrals, ma ins na stoppia betg emblidar ch’ina uniun turistica haja era sco incarica d’infurmar e quai saja pussaivel il meglier cun in biro d’infurmaziun, di il president da Sedrun Mustér turissem.

RTR actualitad 08:00

Artitgels legids il pli savens

Scrollar a sanestra Scrollar a dretga