Siglir tar il cuntegn

Header

video
Cun Antonio Walther a pestga sin il lai da Segl
Or da Actualitad video dals 01.05.2015.
laschar ir
cuntegn

Surselva Bitsch a la ritscha! La pestga è averta

Ils 1 da matg è l'emprim di da pestga en il chantun Grischun. In di sin il qual ils pestgaders han spetgà vess.

Blers dals pestgaders cumenzan la stagiun da pestga mintg’onn en il medem lieu. In da quels lieus è il lai che vegn furmà dal rempar idraulic da la centrala idroelectrica a Tavanasa. Quest onn èn rodund 20 pestgaders sa rimnads a la riva dal lai per empruvar lur cletg. Pigliar in pesch è dentant mo ina part. Impurtant è era da puspè vesair collegas e da discussiunar sur da la passiun communabla - la pestga.

Midadas da la lescha da pestga

Sin l’onn da pestga 2015 hai era dà midadas vi da la lescha da pestgar. Ina gronda midada è ch’il pestgader dastga da nov star en il flum cura ch’el pestga. Enfin uss stueva el star a la riva dal flum. El dastgava mo ir en il flum per traversar il flum u per srentar il crutsch.

Nov examen da pestga a partir dal 2016

A partir dal proxim onn ston ils futurs pestgaders far in nov examen per survegnir la patenta da pestga. Enfin qua avevan ils candidats da respunder a 50 dumondas plitost simplas. Quasi tuts che reussivan a l’examen. Nov datti in catalog da 150 dumondas, che vala per l’entira Svizra. Per pestgaders dal Grischun vul quai dir ch’els ston era savair bler da peschs, ch’i na dat betg en il Grischun. L’examen daventa uschia pli grev ed ils candidats han d’emprender bler dapli.

Artitgels legids il pli savens

Scrollar a sanestra Scrollar a dretga