Bler engaschi per il til da tschaiver a Sedrun

Per la 36avla giada è vegnì fatg il til da tschaiver a Sedrun e quai cun bels sujets et e blera musica.

Laschar ir video «Impressiuns dal til da tschaiver a Sedrun»

Impressiuns dal til da tschaiver a Sedrun

6:03 min, Actualitad video dals 4.2.2016

18 gruppas han fatg part al til da tschaiver da gievgia grassa a Sedrun. Ils var 360 participants han mussà lur gronda lavur ch’els han prestà per sa participar al til. Uschia è la scolina da Tujetsch ida al til sco astronauts. Damai che astronauts dovran ina racheta han ils babs zambregià in tala per il til. La terza classa è sa fatschentada d’in tema actual. Il scandal da svapur da VW. Mo era Google-Maps, Gian e Giachen, Legos, aur e mascras venezianas han ils scolars da Tujetsch preschentà. Era las differentas gruppas da creschids han mussà blera fantasia.

Giubileum

En tut èn era 7 musicas da tschaiver stadas al til. Ils Vagabunds, la musica da tschaiver da Tujetsch che organisescha il tschaiver tuatschin dastga festivar quest onn il giubileum da 30 onns. Els èn sa preschentads sin in carr.