La blera naiv haja er procurà per pli auts custs da rumida: Cun bunamain 815'000 francs èn els stads per 170'000 francs pli auts che l’onn avant. La via sur il pass è stada serrada durant 76 dis pervi da privel da lavinas, scriva l'Agentura da Novitads Rumantscha ANR. Quai è il dubel da la media dals ultims 18 onns. En tut èn 118 lavinas vegnidas giu. 86 èn vegnidas giu da la vart dal nord e 32 da la vart tessinaisa. In eveniment singular èn stadas las lavinas da l'entschatta avrigl. Ellas han cuvert praticamain l'entira via da la gallaria dal Curvet fin Stgegia, sin ina lunghezza da prest trais kilometers.
RR novitads 06:00
