Siglir tar il cuntegn

Header

Navigaziun

Il Bogn Sedrun dovra ina sanaziun.
Legenda: Il Bogn Sedrun dovra ina sanaziun. RTR, Hubert Giger
cuntegn

Surselva Bogn Sedrun: Nagina decisiun dal cussegl da vischnanca

Sin la glista da tractandas dal cussegl è stà mesemna saira, ils 27 da mars 2019, il project ed il credit per sanar il bogn. Ma cusseglieras e cussegliers han decidì da midar questa tractanda en: infurmar e discussiunar il project.

La cumissiun preparatorica e la suprastanza communala han preschentà al cussegl la varianta A cun sanar il bogn e conceder in credit da 5’850’000 francs. I saja necessari da sanar il bogn suenter 26 onns, èsi scrit en il messadi. La cumissiun ha era ponderà ina varianta luxuriusa cun engrondir e construir in bogn en il liber. Las analisas han dentant mussà, ch’ils custs d’energia fissan memia gronds.

Reducir ils custs

Proximamain preschenta la cumissiun puspè il project al cussegl da vischnanca da Tujetsch. Ella vul empruvar da reducir ils custs . Il cussegl giavischa plinavant che la cumissiun sclereschia, quant impurtant ch’il Bogn Sedrun è per il turissem e tge consequenzas finanzialas che la sanaziun avess per la vischnanca da Tujetsch.

RR novitads 12:00