Siglir tar il cuntegn

Header

cuntegn

Bova da glitta sur binaris Trens tranter Rehanau e Glion curseschan puspè

Il trens sin la lingia da la Viafier Retica tranter Rehanau e Glion curseschan puspè, sco la Retica communitgescha. La lingia da viafier è stada interrutta dapi ier saira pervia dad ina bova ch'era vegnida giu en la Ruinaulta sin ils binaris tranter Versomi e Valendau.

La locomotiva d'in tren ch'era da viadi tranter Versomi e Valendau n'aveva betg pudì franar ad ura ed era charrada en la bova ch'era ida sur ils binaris. Il locomotivist sco er ils circa 50 passagiers che sa chattavan en il tren n'èn betg vegnids blessads, sco la pledadra da la Viafier retica, Yvonne Dünser ha confermà envers RTR.

audio
Yvonne Dünser, pledadra medias RhB declerà tge ch'è capità
ord RTR Audio dals 01.08.2020. Maletg: Keystone
laschar ir. Durada: 28 Secundas.

Privel da crudada da crappa

Er sin la via principala tranter Versomi e Panaduz è material vegnì en via en divers lieus. Quai ha la pledadra da medias da la Polizia chantunala, Sandra Scianguetta ditg sin dumonda da RTR. Entant saja il material gia puspè rumì. I valia dentant anc adina in privel da crudada da crappa tranter Versomi e Panaduz.

RTR novitads 06:00

Artitgels legids il pli savens