La locomotiva d'in tren ch'era da viadi tranter Versomi e Valendau n'aveva betg pudì franar ad ura ed era charrada en la bova ch'era ida sur ils binaris. Il locomotivist sco er ils circa 50 passagiers che sa chattavan en il tren n'èn betg vegnids blessads, sco la pledadra da la Viafier retica, Yvonne Dünser ha confermà envers RTR.
Privel da crudada da crappa
Er sin la via principala tranter Versomi e Panaduz è material vegnì en via en divers lieus. Quai ha la pledadra da medias da la Polizia chantunala, Sandra Scianguetta ditg sin dumonda da RTR. Entant saja il material gia puspè rumì. I valia dentant anc adina in privel da crudada da crappa tranter Versomi e Panaduz.