Siglir tar il cuntegn
cuntegn

Surselva Breil: Dar si pacs e brevs en il biro da turissem

Las abitantas ed ils abitants da Breil pon bainbaud far lur fatschentas da posta en il biro da l'infurmaziun turistica. Sco quai che la Posta svizra communitgescha vegn la midada probabel esser realisada il segund quartal da quest onn.

Agentura da posta.
Legenda: Dasper dar si pachets e brevs èsi er pussaivel da far pajaments e retrair daners tar il biro da turissem. Keystone

Il mars datti in'orientaziun publica. Il matg 2017 aveva la Posta annunzià d'examinar pliras filialas da posta en il Grischun. Per la filiala da Breil ha la Posta uss chattà questa schliaziun cun il biro turistic sco partenari. Il medem model exista gia a Danis, Vuorz, Andiast e dapi curt er a Sedrun.

RR novitads 12:00