Il president communal Richard Caduff ed il suprastant Eugen Friberg ston sa retrair, perquai ch’els han cuntanschì la limita d’uffizi da 12 onns. Sco quai che la chanzlia communala ha communitgà, ha ultra da quai era Daniela Seiler demissiunà sco suprastanta.
Era tar il cussegl da vischnanca che sa cumpona da 13 commembers èsi da remplazzar 6 cussegliers. Edvin Cathomas, Adrian Seiler, Roc Muoth e Claudio Caduff han cuntanschi la limita d’uffizi. Gieri Cristani e Silvio Schmed na stattan betg pli a disposiziun per il cussegl da vischnanca.
Fin la fin d’avrigl pon ils vischinadis inoltrar propostas per candidats. Silsuenter pon gruppas da 5 persunas far fin 15 dis avant las elecziuns propostas per candidats directamain a la chanzlia communala. Las elecziuns communalas èn ils 10 da matg.
RR novitads 10:00