Siglir tar il cuntegn

Header

cuntegn

Breil La baselgia resta senza maletg dad Indermaur

La gruppa da lavur che ha vulì realisar in maletg sin la paraid vida da la baselgia a Breil, na cuntinuescha betg sia lavur. Ella desista dal project dal pictur-artist Robert Indermaur.

Reacziuns negativas e corona

En brevs da lecturs han persunas era d'ordaifer crititgà il maletg da Indermaur. Tranter auter hai gì num ch’el saja influenzà da la secta Scientology. Suenter las reacziuns negativas na vegn ses project betg persequità vinavant en baselgia a Breil. In ulteriur motiv da desister da quel è ch’ins na possia betg sa rimnar e discutar bain avunda quest tema durant corona. Quai ha il president da la plaiv da Breil Sep Cathomas detg ad RTR. Era Indermaur haja scrit ch’el desistia dal project.

In maletg vid ina paraid en la baselgia da Breil (fotomontascha).
Legenda: Ina fotomontascha da la skizza da Indermaur. mad

Per amur da la pasch

Sep Cathomas deplorescha ch’i n'è betg stà pussaivel da realisar quest project. Mo quai saja meglier uschia, per amur da la pasch.

audio
Per tadlar curt e cumpact
ord RTR Audio dals 01.04.2021. Maletg: RTR, Linus Livers
laschar ir. Durada: 1 minuta 3 Secundas.

RTR novitads 06:00

Artitgels legids il pli savens