Siglir tar il cuntegn

Header

cuntegn

Surselva Breil: Nova direcziun per l’hotel La Val

Suenter passa otg onns bandunan ils gestiunaris Susan e Christian Faber l’hotel. Davent da l’avrigl surpiglian Cornelia e Marcel David la direcziun.

A partir da l’avrigl 2017 vegn l’hotel La Val a Breil manà da Cornelia e Marcel David. Marcel David ha lavurà plirs onns tar la chadaina d'hotels Lindner Hotels & Resorts en differentas funcziuns. Entschatta 2010 ha el cumenzà tar l’interpresa da cruscheras AIDA cruises, l’emprim sco manager d’hotel e davent dal zercladur 2013 sco directur general. Cornelia David è chantadura (dubel da Helene Fischer) e trategnidra ed ha era lavurà plirs onns sin navs da cruscheras.

(da san.) Chris e Susan Faber, Cornelia e Marcel David.
Legenda: (da san.) Chris e Susan Faber, Cornelia e Marcel David. mad

Ils gestiunaris actuals Susan e Christian Faber han surpiglià l’hotel l’onn 2009 e sco emprim surveglià la renovaziun da l’hotel. Dapi la reavertura l’onn 2010 han els manà l’hotel da quatter stailas. Susan e Christian Faber vegnan a surpigliar davent dal matg 2017 la direcziun da l’hotel Bären a Gonten en il chantun Appenzell Dadens.

Artitgels legids il pli savens