Il cussegl da la vischnanca da Breil ha approvà unanimamain in quint annual da l’onn passà. Quel serra cun in surpli d’entradas da 3,8 milliuns francs tar entradas da 17,1 milliuns ed expensas da 13,3 milliuns francs. Amortisà ha la vischnanca radund 780'000 francs. Sco il cussegl da vischnanca scriva en ses rapport, saja il quint cun quai crudà or meglier che previs. Cumpareglià cun il preventiv èn las entradas stadas in bun tant pli autas. Las entradas da taglia n'hajan betg patì da la pandemia uschia sco prognostitgà. Dentant haja er la buna disciplina tar las expensas gì in effect positiv sin il resultat. Cun il gudogna da passa 3,8 milliuns è il cussegl da vischnanca perquai cuntent.
En pli ha il cussegl da la vischnanca approvà unanimamain in credit da 230'000 francs per sanar las tschiffadas d’aua a Fernata Vuorz.