Quella han Beni Simeon e Robert Cathomas fundà 2013. Ed els han gia gì in grond success. La primavaira passada han 5 da 7 spirituosas preschentadas survegnì medaglias d’aur e d’argient.
Idea è vegnida durant chatscha
L’idea da brischar vinars saja vegnida durant chatscha, di Beni Simeon. Per fundar ina destillaria hajan els fatg plirs curs. Impurtant saja da duvrar fritgs da la regiun. Per far in buns vinars stoppian ins avair buns fritgs; ins stoppia controllar ch’els na sajan marschs e ch'els sajan bain madirs. Ed alura stoppian ins lavar els bain per ch’els sajan schubers e senza bacils.
Brischar vinars è in hobi
Els fetschian quai sco hobi e quai duai restar uschia, di Beni Simeon. In hobi sper la chatscha e dar golf. Els veglian esser ina destillaria che haja ina pitschna quantitad cun auta qualitad.