El giaudia quellas pèr emnas da filmar en Surselva, di Bruno Cathomas. Ma turnar en Surselva ad abitar, quai na pudess el betg pli. El mainia ina vita da notg e gist quella vita n'existia betg en Surselva. Dacurt saja el chaminà la notg tschintg giadas enturn il lai da Laax per pudair interrumper ils patratgs. Quai perquai che l’ustaria aveva serrà da mesanotg, uschia ch'el haja stuì bandunar quella.
Persuenter survegnia el ina invitaziun suenter l'autra da vegnir a mangiar capuns. Suenter quest film sappia el franc dir, nua ch’ins mangia ils megliers capuns da la Surselva.
Uss ch’i va a fin cun il film sentia el ch'il rumantsch vegnia puspè in zichel pli preschent. Sco quai che Bruno Cathomas di, saja ses rumantsch sin il nivel d'in scolar da la sisavla classa. Suenter haja el mai pli emprendì rumantsch ed uschia manchian ils pleds.
A Cologna nua che Bruno Cathomas abitescha, na saja la glieud betg fitg gentila vers acturs da film. Durant filmar en la citad vegnian ins adina disturbà, per part sapientivamain. Tut auter en Surselva, la glieud saja interessada e mussia era quai. Perfin a l’equipa da filmar saja quai dà en egl.
Artitgels davart il film rumantsch «Amur senza fin»
RR actualitad 11:00