Siglir tar il cuntegn
cuntegn

Surselva Bruno Hensler banduna gimnasi da la claustra

La claustra da Mustér sto tschertgar in nov rectur. Bruno Hensler supriglia a partir dal 2017 ina nova plazza a Son Gagl.

Bruno Hensler.
Legenda: Bruno Hensler. RTR, G. Hosang

Sco quai che la claustra da Mustér communitgescha, saja Bruno Hensler vegnì elegi da l’Universitad da Son Gagl sco nov directur administrativ. Questa plazza surpiglia el cun l’entschatta favrer 2017. Sco quai che l'avat Vigeli ha ditg sin dumonda da RTR deploreschia el qulla decisiun. Da l'autra vart saja quai dentant chapaivel ch'el piglia la chaschun da surpigliar quest nov post.

Bruno Hensler ch’è dapi 2011 rectur dal gimnasi haja reposiziunà il gimnasi e l’internat da la claustra da Mustér. Ultra da quai haja el era sviluppà vinavant il gimnasi, rinforzà la preschientscha en il sectur da marketing e la strategia da l’internaziunalisaziun cun la quala ins haja gia pudì recaltgar emprims scolaras da la China e l’Africa dal Sid.

La plazza da rectur dal gimnasi da la claustra da Mustér vegnia scritta ora ils proxims dis. Avat Vigeli spera che la claustra chattia puspè ina persuna che saja era uschè activa ed haja bunas ideas.

RR novitads 14:00