Surselva - Bulieus, bulieus, bulieus

Il di da bulieus tar RTR cuntinuescha: Il controllader Egmont Heisch ha chattà ina massa bulieus. Chanterels mellens, bulieus tschep ni er schampignuns - pia daquels usitads en ils guauds grischuns, dentant er daquels che tunan in zic pli exotic sco per exempel il craterel mut u il bulieu chalimar. A Cumbel en Lumnezia vegnan ils bulieus sortids e schubregiads.

Maletg 1 / 4

Legenda: Da la vart sanestra èn schampignuns, da la vart dretga è la amanita grischa. Ella guarda or fitg sumegliant als schampignuns ha dentant lamellas alvas, ils schampignuns han ADINA lamellas coluradas. Las bleras amanitas ch'ins po scumbegliar cun ils schampignuns èn da tissi.. RTR, Gion Gieri Flepp

Maletg 2 / 4

Legenda: Da vart sanestra in bovist e da vart dretga ina amanita mustgera anc betg schluitada ord "l'ov". Uschèditg che l'amanita mustgera è anc uschè pitschna pon ins scumbigliar ella cun il bovist. Cun tagliar si vezan ins dentant che l'amanita ha lamellas ed il bovist betg. RTR, Gion Gieri Flepp

Maletg 3 / 4

Legenda: Da vart sanestra dus velers, enamez in barber cler e da vart dretga dus chantarels mellens. La differenza pon ins far cun guardar sut il bulieu. Ils chantarells mellens han spaungas, ellas van dal fusti giu. Ils velers han lamellas e fins chavels vid i fusti ed il barber cler ha guilas. Il veler è fitg da tissi! Tschels pon ins mangiar. RTR, Gion Gieri Flepp

Maletg 4 / 4

Legenda: Da vart sanestra il tgirun fèl da vart dretga dus tgiruns tschep. Ins po differenziar els cun mirar sin il fusti, la vezan ins ch'il tgirun tschep è surtratg cun ina fina rait alva ed il tgirun fèl cun ina rait groppa e stgira. Il tgirun fèl na gusta insumma betg bain e fitg piter. Il tgirun tschep è dentant fitg buns per exempel per risottos. RTR, Gion Gieri Flepp

La tschertga da bulieus da la damaun ha manà vers l'alp sur Camuns. Là enconuschà Egmont Heisch in lieu nua ch'i na dat betg mo ils bulieus mellens ch'èn enconuschent a blers, mabain er auters.

Maletg 1 / 10

Legenda: Controlla da bulieus ...a Glion sin il plaz fiera. RTR, Prisca Bundi

Maletg 2 / 10

Legenda: Controlla da bulieus Mintga bulieu vegn pesà e controllà. RTR, Prisca Bundi

Maletg 3 / 10

Legenda: Controlla da bulieus Quai tgirun tschep na pon ins betg pli mangiar - el è marsch ed ha en verms. RTR, Prisca Bundi

Maletg 4 / 10

Legenda: Controllar bulieus Il formular per il controllader. RTR, Prisca Bundi

Maletg 5 / 10

Legenda: Ina ruschla rubagliada – nossa emprima preda. RTR, Gion Gieri Flepp

Maletg 6 / 10

Legenda: Il chantarel mut Per tudestg "Schweinsohr". RTR, Gion Gieri Flepp

Maletg 7 / 10

Legenda: Egmont Heisch e noss reporter Gion Gieri Flepp sa mettan a la tschertga da bulieus. RTR, Gion Gieri Flepp

Maletg 8 / 10

Legenda: Bulieus mellens pronts da racoltar. RTR, Gion Gieri Flepp

Maletg 9 / 10

Legenda: In parisol anc betg madir. RTR, Gion Gieri Flepp

Maletg 10 / 10

Legenda: Live en il guaud. RTR, Gion Gieri Flepp

Dumondas sur dumondas

Ma co racoltan ins endretg ils bulieus? Tgenins dastg'ins prender e tgenins betg? Pertgè è Egmont Heisch gia dapi 20 onns fascinà dals bulieus e tge tutga propi tut tar ses job sco controllader da bulieus? Quant severas èn las controllas è tge di il controllader dals blers esters che vegnan en il Grischun per bulieus?

RR actualitad 09:00 ++