Siglir tar il cuntegn

Header

cuntegn

Surselva Bulieus, bulieus, bulieus

Il temp da schanetg è passà uschia ch'igl è dad ir a tschertgar ils pli bels avant ch'els èn davent. RTR accumpogna il controllader da bulieus Egmont Heisch da Cumbel. Gia dapi 20 onns èn ils bulieus sia passiun.

Il di da bulieus tar RTR cuntinuescha: Il controllader Egmont Heisch ha chattà ina massa bulieus. Chanterels mellens, bulieus tschep ni er schampignuns - pia daquels usitads en ils guauds grischuns, dentant er daquels che tunan in zic pli exotic sco per exempel il craterel mut u il bulieu chalimar. A Cumbel en Lumnezia vegnan ils bulieus sortids e schubregiads.

La tschertga da bulieus da la damaun ha manà vers l'alp sur Camuns. Là enconuschà Egmont Heisch in lieu nua ch'i na dat betg mo ils bulieus mellens ch'èn enconuschent a blers, mabain er auters.

Dumondas sur dumondas

Ma co racoltan ins endretg ils bulieus? Tgenins dastg'ins prender e tgenins betg? Pertgè è Egmont Heisch gia dapi 20 onns fascinà dals bulieus e tge tutga propi tut tar ses job sco controllader da bulieus? Quant severas èn las controllas è tge di il controllader dals blers esters che vegnan en il Grischun per bulieus?

RR actualitad 09:00 ++

Artitgels legids il pli savens