En connex cun la chatscha sin portgs selvadis èsi vegnì enconuschent che la charn da quests animals po cuntegnair restanzas radioactivitas. En paucs cas pon ins era chattar talas substanzas en bulieus, sco il chemicher chantunal Matthias Beckmann di.
Els fetschian regularmain controllas. Ma las restanzas radioactivas na sajan in problem per la sanadad, declera il chemicher chantunal. Tuttina stoppian ins avair quità da na magliar memia blers bulieus.
Quai da far pli pauc cun radioactivitad che cun il fatg che bulieus consistan da material che n'è betg lev da digerir, e perquai pon ins survegnir mal il venter u diarrea.
I sa tracta da material sco chitin (ch’ins chatta era tar ils insects) u tscherts idrats carbonics. Ils bulieus cuntegnan ca. 90 pertschient aua. Il rest saja intgins vitamins, grass, idrats carbonics ed alv d’ov. Perquai maglian ins els surtut pervia da l’aroma unic, di il chemicher chantunal. E ses cussegl:
Betg mangiar dapli che ca. 250 grams bulieus ad emna.