Bun onn da fatschenta per l’Energia alpina

L’interpresa Energia alpina po guardar enavos sin in bun onn da fatschenta 2015. Tar ina svieuta da 9,7 milliuns francs cuntanscha ella in gudogn da manaschi da bunamain 2,8 milliuns francs.

L’Ovra idraulica Val Giuv ha producì l’onn passà 3,5 pertschient dapli energia che la media dals ultims 36 onns. Avrir maletg en lightbox.

Legenda da maletgs: L’Ovra idraulica Val Giuv ha producì l’onn passà 3,5 pertschient dapli energia che la media dals ultims 36 onns. MAD

L’onn da fatschenta 2015 ha l’Energia alpina fatg ina svieuta da radund 9,7 milliuns francs. Il cash-flow munta a radund 2,8 milliuns francs, rapporta l’Agentura da novitads rumantscha.

Producziun 2015: 14,9 milliuns uras kilowatt electricitad

Sin fundament da quest quint favuraivel ha l’interpresa pudì far amortisaziuns da radund 2,1 milliuns francs.

L’Energia alpina tutga al la vischnanca da Tujetsch ed ha cun il resultat da l’onn passà pajà a la vischnanca 600’000 francs sco cumpart al gudogn e 216’000 francs en furma da concessiun, scriva la ANR vinavant. Cun las atgnas ovras idraulicas ha l’Energia alpina producì l’onn passà 14,9 milliuns uras kilowatt.

L’interpresa ha actualmain planisà intgins gronds projects, tranter auter er in implant per retrair chalira da la terra.

RR novitads 17:00