Siglir tar il cuntegn
cuntegn

Surselva Bunamain 4 milliuns per il nov terminal da bus

La staziun da Glion è in punct central dal traffic public. Il nov terminal da bus duai perquai vegnir sustegnì cun bunamain 4 milliuns francs.

Il plazzat tar la staziun da Glion da surengiu.
Legenda: Actualmain renovescha la Viafier retica cumplettamain la staziun. MAD, Chanzlia chantunala

La regenza dal chantun Grischun propona al Cussegl grond da sustegnair la construcziun d'in nov terminal da bus cun 3,95 milliuns francs. La staziun da Glion saja in punct central dal traffic ed haja uschia il dretg sin contribuziuns per promover il traffic public. Quai ha la regenza communitgà la gievgia. Da quest punct central da traffic anora van 11 lingias d'AutoDaPosta en Surselva. Il Cussegl grond vegn a tractar quest sustegn finanzial durant la sessiun da zercladur.

En in process da plirs onns han la vischnanca da Glion e la Viafier retica elavurà ina soluziun cuminaivla per renovar la staziun da Glion. Actualmain renovescha la Viafier retica cumplettamain la staziun. Sco part dal concept da surbajegiada èsi er previs da construir in nov terminal da bus cun ina nova via d'access.

RR novitads 10:00